Dende a Academia facemos un especial agradecemento a todo o equipo que fixo posible a Gala dos XVIII Premios Mestre Mateo

Dende a Academia Galega do Audiovisual queremos agradecer ás compañeiras e compañeiros do equipo que fixo posible a celebración da Gala dos XVIII Premios Mestre Mateo. Grazas ao seu esforzo, compromiso e dedicación o pasado 7 de marzo puidemos celebrar o talento audiovisual galego na Gala de entrega de premios e na festa posterior que celebramos no hotel Meliá María Pita.  • Dirección | Luis Avilés • Guión | Enrique Lojo, Pablo Fontenla, Luis Avilés e Patricia Vázquez • Produción executiva | Álvaro Pérez,  Carmen Méndez, Miguel Mariño, Óscar Cruz e Sonia Méndez • Xerencia Academia | Marisela Lens • Dirección de produción | Eva Alonso • Auxiliar de produción | Óscar Andrés, Celia Varela • Reforzo de produción | Andrea Pena • 1º Axudante de dirección | Patricia Alonso • 2º Axudante de dirección | María Parga • Presentadora | Patricia Vázquez • Participantes | Pedro Brandariz, Cova Berdiñas,

Druida Danza, a Orquesta Gaos e Pista Catro actuarán na Gala que celebra a maioría de idade dos Premios Mestre Mateo

O vindeiro 7 de marzo daranse a coñecer as gañadoras e gañadores en cada unha das vintencico cateogorías dos XVIII Premios Mestre Mateo. A actriz Patricia Vázquez será a anfitrioa dunha Gala na que a música, o circo e a danza estarán moi presentes para celebrar a maioría de idade dos premios do audiovisual galego.  Mercedes Suárez, será a encargada das coreografías que se poderán ver sobre o escenario do Pazo da Ópera da Coruña, unha proposta que incluirá algunha que outra sorpresa e coa que Chedes, como é popularmente coñecida, só desexa que o público “disfrute coa danza”. A ex-directora do Centro Coreográfico Galego é unha figura de referencia dentro das artes escénicas na nosa comunidade: despois de formarse en París, Bruxelas e Madrid, regresou a Galicia en 1982 para fundar Druída, que dirixiu durante vinte anos.  A parte musical correrá a cargo da Orquesta Gaos e o coro Minigaos, dúas institucións de referencia no eido da música

Hoxe empeza a segunda rolda de votacións dos XVIII Premios Mestre Mateo

Hoxe ábrese a segunda rolda de votacións dos XVIII Premios Mestre Mateo, na que as académicas e académicos escollerán cos seus votos as obras e profesionais gañadores da presente edición en cada unha das 25 categorías. O prazo estará aberto ata o día 2 de marzo ás 14:00 horas. Nesta ligazón pódese consultar a listaxe de finalistas. A oficina da Academia está dispoñible para calquera dúbida ou aclaración no teléfono 981 227 701 ou no mail premios@academiagalegadoaudiovisual.gal.

Hoxe anunciamos as finalistas dos XVIII Premios Mestre Mateo

Esta mañá o Teatro Colón da Coruña acolleu o esperado anuncio dos proxectos e profesionais finalistas nos XVIII Premios Mestre Mateo, nun acto conducido pola actriz Tamara Canosa e o comunicador Rodrigo Vázquez.  A primeira rolda de votacións na carreira polos premios sitúa esta edición como unha das máis igualadas dos últimos anos, dando fe da boa saúde da que goza o audiovisual galego. Nesta ocasión, unha produción de televisión é a que conta cun maior número de candidaturas: trátase da serie Hierro, que suma un total de 16, seguida de preto polas longametraxes Quen a ferro mata con 15 e O que arde con 12. As tres competirán polas estatuíñas que premian a Mellor Dirección, Guión, Fotografía, intérpretes protagonistas, Maquillaxe e Perruquería, Dirección de Arte e Dirección de Produción, Montaxe, Son e Vestiario. A unha certa distancia sitúanse a longametraxe Eroski Paraíso e serie A estiba. A adaptación para a pantalla cinematográfica do

A actriz Patricia Vázquez presentará a Gala dos XVIII Premios Mestre Mateo

A Gala será retransmitida en directo pola TVG o vindeiro sábado 7 de marzo. Ao longo da súa traxectoria Vázquez participou en series tan populares como Pratos Combinados, Mareas Vivas, e Padre Casares. Patricia Vázquez será a presentadora da Gala dos XVIII Premios Mestre Mateo o vindeiro sábado 7 de marzo. O Pazo da Ópera da Coruña acollerá o espectáculo dirixido por Luis Avilés, que será retransmitido en directo pola TVG a partir das 22:00 horas. Os inicios da traxectoria de Vázquez están estreitamente vencellados ao teatro, obtendo o seu primeiro traballo como intérprete na produción de Yerma no Centro Dramático Galego hai trinta anos. En 1996 incorporouse ao reparto da serie Pratos Combinados para, a continuación, pasar a formar parte do elenco de series lendarias da Televisión de Galicia como Mareas Vivas, Terra de Miranda, Pepe o Inglés, Padre Casares, Era Visto ou Os Mariachi e de longametraxes como Encallados e Os fenómenos. A pesar do seu

Rodrigo Vázquez e Tamara Canosa anunciarán as candidaturas finalistas dos XVIII Premios Mestre Mateo

As candidaturas finalistas serán anunciadas o luns 10 de febreiro a partir das 12:30 horas no Teatro Colón da Coruña e poderán ser seguidas en directo nas redes sociais da Academia. Ámbolos dous presentadores foron galardoados con cadanseu premio Mestre Mateo. O vindeiro luns 10 de febreiro a partir das 12:30 a actriz Tamara Canosa e o comunicador Rodrigo Vázquez darán a coñecer as obras e profesionais finalistas nas 25 categorías dos premios que outorga a Academia Galega do Audiovisual.   A lectura pública terá lugar no Teatro Colón da Coruña, e a ela asistirán asociadas e asociados da Academia, membros da xunta directiva, integrantes dos equipos técnicos e artísticos das producións candidatas e demáis profesionais do sector. O evento poderá ser seguido en directo a través das contas de Twitter e Instagram da Academia Galega do Audiovisual.  As gañadoras daranse a coñecer na tradicional Gala de entrega de premios que se celebrará

O realizador Luis Avilés dirixirá a Gala dos XVIII Premios Mestre Mateo

Galardoado nos Mestre Mateo en tres ocasións, foi presidente de CREA do 2016 ao 2018.A cerimonia de entrega de premios celebrarase o vindeiro 7 de marzo no Pazo da Ópera da Coruña e será retransmitida en directo pola TVG.  O realizador noiés Luis Avilés será o encargado de dirixir a Gala dos XVIII Premios Mestre Mateo, que terá lugar o vindeiro sábado 7 de marzo no Pazo da Ópera da Coruña a partir das 22:00 horas. Unha celebración na que o humor, a música e algunha que outra sopresa, xogarán un papel protagonista, e que será retransmitida en directo pola TVG. A nova edición dos Mestre Mateo porá o broche de ouro a un ano de éxitos para o audiovisual galego, como dan conta as 160 producións inscritas e os 356 profesionais, dos que 220 son homes (61%) e 139 mulleres (39%).  Luis Avilés (1969) realizador, operador e montador de documentais, videoclips e diferentes traballos institucionais e industriais, formouse no CECC (Centre d’Estudis

Comeza a primeira rolda de votacións dos XVIII Premios Mestre Mateo

Hoxe comeza a primeira rolda de votacións da XVIII edición dos Premios Mestre Mateo. Dende este momento e ata o 4 de febreiro, os académicos e académicas elixirán cos seus votos a 4 finalistas en cada unha das 25 categorías. Aquí podedes consultar a listaxe definitiva das candidaturas aos #MestreMateo20, da que forman parte máis de 450 candidaturas e un total de 160 obras, entre as que atopamos 5 longametraxes, 18 documentais, 4 series de televisión, 10 series web, 26 programas de televisión, 27 curtametraxes de imaxe real, 3 curtametraxes de animación, 25 anuncios publicitarios e 36 videoclips. Para calquera dúbida ou aclaración podedes contactar coa oficina da Academia no teléfono 981 227 701 ou no mail premios@academiagalegadoaudiovisual.gal. Enlaces de interese: | Bases | Listaxe definitiva de obras inscritas aos XVIII Premios Mestre

Publicamos a listaxe provisional de inscritos aos XVIII Premios Mestre Mateo

Seguindo o establecido nas bases dos Premios Mestre Mateo, poñemos á vosa disposición a listaxe provisional con todas as obras e profesionais inscritos a esta nova edición dos Premios. Desde hoxe, 7 de xaneiro, e ata o vindeiro venres día 10, as socias e socios da Academia poderán presentar alegacións sobre as obras e profesionais inscritos en prazo e forma nesta esta nova edición dos Premios Mestre Mateo. Unha vez recibidas as alegacións, a comisión de seguimento reunirase e revisará todas as candidaturas para, posteriormente, publicarar a listaxe definitiva. Para calquera dúbida ou aclaración podedes contactar coa oficina da Academia no teléfono 981 227 701 ou no mail premios@academiagalegeadoaudiovisual.gal. Enlaces de interese: | Bases | Listaxe provisional de obras inscritas aos XVIII Premios Mestre

Primeira listaxe de obras inscritas aos XVIII Premios Mestre Mateo

Seguindo o establecido nas bases dos Mestre Mateo, poñemos na web da Academia á vosa disposición a listaxe con todas as obras e profesionais inscritos a esta nova edición dos Premios. Desde o luns 25 de novembro e ata o venres 29 de novembro ás 14.00 horas, as socias e socios da Academia revisarán a listaxe de obras inscritas aos XVIII Premios Mestre Mateo, co obxectivo de observar se faltan candidaturas de obras e/ou de profesionais. Así mesmo, os profesionais poderán retirar a súa candidatura se non están conformes coa mesma.  Unha vez recibidas as achegas, a comisión de seguimento reunirase e revisará todas as candidaturas e, unha vez finalizado o proceso, publicarase unha primeira listaxe provisional.  Importante destacar que esta non é a listaxe provisional de candidatos. Esta obterémola en canto a comisión de seguemento revise todas as candidaturas recibidas. Para calquera dúbida ou aclaración podedes contactar coa oficina da Academia no