Premios José Sellier

O premio especial José Sellier é unha distinción que outorga a Academia Galega do Audiovisual para distinguir o labor de iniciativas de especial relevancia para o conxunto do sector.

Debe o seu nome ao pioneiro do cinema José Sellier Loup, quen, en maio de 1897 filmou, na Coruña, as primeiras películas rodadas en España con cámara Lumière.

En 2021, para conmemorar o décimo aniversario do premio, presentouse un trofeo deseñado polo artesán coruñés Teodoro Castro, que reproduce a cámara coa que Sellier fimou aquelas primeiras imaxes da vida cotiá.