Fiestra01

Fiestra, plataforma online de contidos audiovisuais galegos

Desde o ano 2018 a Academia Galega do Audiovisual ven desenvolvendo unha serie de iniciativas que comparten o obxectivo de favorecer o diálogo entre o audiovisual e a educación, para promover a posta en marcha de iniciativas transformadoras. Este compromiso coa difusión do audiovisual galego e a formación das espectadoras e espectadores do futuro terá un punto de inflexión a finais deste ano co lanzamento de Fiestra, unha plataforma online dirixida a centros educativos de primaria e secundaria e que promove a educación en valores do alumnado a través de contidos audiovisuais galegos. Con esta ferramenta a Academia Galega do Audiovisual quere: -Empregar obras audiovisuais para educar en valores e tratar eixos transversais do currículum educativo. -Favorecer o traballo creativo e colaborativo. -Formar espectadores críticos. -Promocionar o talento audiovisual galego entre mozas e mozos. -Proporcionar acceso legal a contidos audiovisuais para seren proxectados no entorno

portada

Sesión final do Obradoiro ‘Cineclube. Novos Programadores de Cinema Galego’

Onte tivo lugar a derradeira sesión do obradoiro Cineclube. Novos programadores de cinema galego no que puxemos en contacto ao alumnado de centros de primaria e secundaria de Galicia co talento audiovisual galego. Con esta actividade contribuimos á creación de novos públicos, así como a fomentar o debate e a reflexión a partir do visionado de imaxes. O CEIP Camiño Inglés de Sigüeiro acolleu unha celebración arredor do cinema exclusiva para alumnado, nais e pais e docentes do centro, que se dividiu en dúas sesións programadas polas rapazas e rapaces que asistiron ao obradoiro: unha de 35 minutos de duración para público de 3 a 7 anos e outra de 50 minutos de duración para público de 8 a 12. Os cineastas Álvaro Gago e Bruno Martínez e o docente Xurxo Tourís Otero asistiron en representación dalgunhas das curtametraxes proxectadas. Estiveron acompañados polo docente da actividade, o noso asociado Jorge Rivero, programador de curtametraxes e director e

Directiva19para web

Nova xunta directiva da Academia Galega do Audiovisual

Na asemblea ordinaria e electoral celebrada onte, 21 de maio de 2019, foi elixida por unanimidade unha nova xunta directiva, que rexerá a vida da Academia nos vindeiros dous anos. A directora de produción Ana Míguez ostentará a presidencia e estará acompañada no equipo directivo por Álvaro Pérez Becerra, Carmen Méndez, Isabel Naveira, Óscar Cruz, Pepe Coira, Saamira Ganay, Sonia Méndez, Susana Veira e Xavi Font. Ana Míguez, formada na Escola de Imaxe e Son da Coruña, é na actualidade a directora de produción de Portocabo, empresa coa que traballa en proxectos como “Hierro”, “Los hijos del sol” ou “O país máis grande do mundo”. Na súa traxectoria profesional, que abrangue máis de 20 anos de experiencia, destacan produccións de cine e televisión en Galicia e no resto do Estado. Álvaro Pérez Becerra, produtor. Fundador das empresas Ainé Producións e Atinta e arte, encárgase da produción de Osdous Ardebullo, Tex45 Producións e

ProxeccionMM19_paraweb_2

O CGAI acollerá a proxección das obras gañadoras dos XVII Premios Mestre Mateo na semana das Letras Galegas

Un ano máis, o audiovisual galego será o protagonista da programación do Centro Galego de Artes da Imaxe (CGAI) durante a semana das Letras Galegas, coa proxección dalgúns dos traballos premiados na pasada edición dos Premios Mestre Mateo. A entrada será libre ata completar aforo. 15 de maio 20:30h Idénticas de Luis Avilés (2018) Mellor Documental nos XVII Premios Mestre Mateo 16 de maio 18:00h A nena azul de Sandra Sánchez (2018) e Soy una tumba de Khris Cembe (2018) Mellor Curtametraxe de Imaxe Real e Mellor Curtametraxe de Animación nos XVII Premios Mestre Mateo 20:30h A sombra da lei de Dani de la Torre (2018) Mellor Longametraxe nos XVII Premios Mestre

V_RUPPEN_AIEP2

A ilusión é perfecta homenaxea ao produtor Víctor Ruppén

A Academia Galega do Audiovisual, en colaboración co Centro Galego de Artes da Imaxe (CGAI), homenaxeará o vindeiro 14 de maio, a figura dun pioneiro do cinema galego, o produtor Victor Ruppén, cunha escolla das primeiras curtametraxes galegas rodadas en 35mm. A Ilusión é perfecta é un ciclo de proxeccións que ten como obxectivo recuperar, reivindicar e lembrar persoas e obras que, por diversos motivos, xogaron un papel sobranceiro na historia do noso audiovisual. Nesta ocasión o ciclo está dedicado ao produtor, recentemente falecido. Nado na Coruña en 1940, compaxinou a súa profesión de arquitecto técnico con outras actividades empresariais e culturais relacionadas co cinema. Participou na creación da distribuidora Musidora Films e no campo da exhibición coa creación dos cines Valle Inclán da Coruña e Santiago e dos Alphaville en Madrid. Nos anos 70 deulle un pulo decisivo á produción de curtametraxes en formatos profesionais, co que contribuíu a fortalecer

_X1A8096 AIGIBOGA.com

Un xurado de 62 mozas e mozos participou na elección do Young Audience Award 2019 en Galicia

A película Fight Girl (Bélxica/Holanda, 2019) dirixida por Johan Timmers, resultou a máis votada. O evento foi organizado na Coruña pola Academia Galega do Audivisual co apoio do Concello da Coruña e a colaboración de Galipizza. Un xurado de cinéfilos de toda Europa elixiu o filme Fight Girl como vencedor do Young Audience Award 2019, nun evento celebrado onte de xeito simultáneo en 55 cidades. A convocatoria foi un éxito en Coruña, cidade que albergaba por vez primeira as votacións, e que xunto con Barcelona, Madrid, Sevilla e Valencia constituíu a delegación máis numerosa dos 34 países participantes. O presidente da Academia, Carlos Ares deu a benvida aos asistentes antes da primeira proxección. A Coruña foi tamén a sede que acolleu o xurado máis numeroso de todo o Estado, formado por 62 rapazas e rapaces de entre 12 e 14 anos, que asistiron a unha xornada de cinema en versión orixinal na que se proxectaron as tres películas finalistas: Los Bando

FOTO PMLM19

III Premios María Luz Morales de ensaio e videoensaio sobre o audiovisual

Sara Varela, Eire García, Pepe Coira e Xurxo González son os gañadores da terceira edición dos Premios María Luz Morales de ensaio e videoensaio sobre o audiovisual, nunha edición na que tamén se recoñeceu con candanseu accésit o traballo de Irene Basanta, Denisse Lozano, Sara Donoso e Antón Varela Os premios están organizados pola Academia Galega do Audiovisual en colaboración coas catro deputacións provinciais O xurado estivo formado pola artista e docente Carme Nogueira, a investigadora Isabel Sempere e a xornalista Montse Dopico A Academia Galega do Audiovisual celebrou o mércores 3 de abril no Centro Cultural Marcos Valcárcel pertencente á Deputación da Ourense, a entrega de premios da terceira edición dos premios María Luz Morales, que promoven a investigación científica no ámbito audiovisual, destacando cun galardón e 1.200 euros dous videoensaios e dous ensaios escritos, nunha iniciativa pioneira que conta coa participación das catro

Aigi Boga

A sombra da lei, gran triunfadora nos XVII Premios Mestre Mateo

A sombra da lei acaparou 10 Premios Mestre Mateo na gran gala que celebrou a pasada noite no Palacio da Ópera da Coruña converténdose así na gran triunfadora desta edición dos premios da Academia Galega do Audiovisual. O filme de Dani de la Torre conquistou os galardóns á mellor longametraxe -de Vaca Films Studio, Atresmedia Cine, La Ley del Plomo AIE e Playtime Production Sarl- e á mellor dirección do propio de la Torre. Os académicos e académicas tamén recoñeceron a dirección de arte de Juan Pedro de Gaspar, a dirección de produción de María Liaño, a interpretación protagonista de Luis Tosar, a maquillaxe e perruquería de Raquel Fidalgo e Noé Montes, a montaxe de Jorge Coira, a música orixinal de Manu Riveiro e Xavi Font, o son de David Machado, James Muñoz e José Antonio Manovel e o vestiario de Clara Bilbao. Trote, o debut na longametraxe de Xacio Baño, fíxose con 5 dos galardóns da noite: mellor dirección de fotografía para Lucía C. Pan -que

O audiovisual galego entrega este sábado os seus premios na gala dos Mestre Mateo

Este sábado, 2 de marzo, o Palacio da Ópera da Coruña acollerá gala de entrega de premios dos XVII Premios Mestre Mateo, cos que a Academia Galega do Audiovisual (AGA) premia os traballos máis destacados do ano en vinte e cinco categorías. A sombra da lei e Trote parten como as producións máis votadas, acaparando 15 candidaturas cada unha. A unha certa distancia sitúanse a serie O sabor das margaridas con 8, a longametraxe Contou Rosalía con 7, e o programa Land Rober Tunai Show e o documental Versogramas con 4 cada unha.Os premios, que os académicos e académicas elixiron cos seus votos entre as máis de 400 candidaturas presentadas en vinte e cinco categorías, serán entregados por diversos profesionais pertencentes ao noso audiovisual entre os que se atopan as actrices Belén Constenla, Estíbaliz Veiga, Ledicia Sola, Isabel Blanco e María Bouzas; os actores Miguel Canalejo, Alberto Rolán, Xosé Antonio Touriñán, Xavier Picallo e Luis Iglesia; os cineastas Javi

_X1A0743 AIGIBOGA.com

A Federación de Cineclubes de Galicia, Premio Especial “José Sellier” da AGA

A Academia Galega do Audiovisual (AGA) decidiu outorgarlle á Federación de Cineclubes de Galicia (FECIGA) o Premio Especial “José Sellier”, que cada ano recoñece iniciativas salientables no sector audiovisual. O presidente da FECIGA, Manuel Precedo, recolleu o galardón no Encontro de Finalistas dos XVII Premios Mestre Mateo que se celebrou no Palexco da Coruña e ao que asistiron finalistas de todas as categorías, a directora da gala -Sonia Méndez-, e numerosas autoridades.Con este premio, a Academia quere poñer en valor que “os cineclubes son un dos principais promotores da cultura cinematográfica entre a sociedade”. A AGA salienta que no ámbito dos cineclubes, o audiovisual convértese en elemento de debate, estudo crítico, e nel fórxanse espectadores receptivos e críticos co cinema.A Federación de Cineclubes de Galicia é unha asociación sociocultural independente e sen ánimo de lucro, constituída o 8 de xullo de 1984 e que, con carácter de Federación,