O realizador Luis Avilés dirixirá a Gala dos XVIII Premios Mestre Mateo

Galardoado nos Mestre Mateo en tres ocasións, foi presidente de CREA do 2016 ao 2018.A cerimonia de entrega de premios celebrarase o vindeiro 7 de marzo no Pazo da Ópera da Coruña e será retransmitida en directo pola TVG.  O realizador noiés Luis Avilés será o encargado de dirixir a Gala dos XVIII Premios Mestre Mateo, que terá lugar o vindeiro sábado 7 de marzo no Pazo da Ópera da Coruña a partir das 22:00 horas. Unha celebración na que o humor, a música e algunha que outra sopresa, xogarán un papel protagonista, e que será retransmitida en directo pola TVG. A nova edición dos Mestre Mateo porá o broche de ouro a un ano de éxitos para o audiovisual galego, como dan conta as 160 producións inscritas e os 356 profesionais, dos que 220 son homes (61%) e 139 mulleres (39%).  Luis Avilés (1969) realizador, operador e montador de documentais, videoclips e diferentes traballos institucionais e industriais, formouse no CECC (Centre d’Estudis

Comeza a primeira rolda de votacións dos XVIII Premios Mestre Mateo

Hoxe comeza a primeira rolda de votacións da XVIII edición dos Premios Mestre Mateo. Dende este momento e ata o 4 de febreiro, os académicos e académicas elixirán cos seus votos a 4 finalistas en cada unha das 25 categorías. Aquí podedes consultar a listaxe definitiva das candidaturas aos #MestreMateo20, da que forman parte máis de 450 candidaturas e un total de 160 obras, entre as que atopamos 5 longametraxes, 18 documentais, 4 series de televisión, 10 series web, 26 programas de televisión, 27 curtametraxes de imaxe real, 3 curtametraxes de animación, 25 anuncios publicitarios e 36 videoclips. Para calquera dúbida ou aclaración podedes contactar coa oficina da Academia no teléfono 981 227 701 ou no mail premios@academiagalegadoaudiovisual.gal. Enlaces de interese: | Bases | Listaxe definitiva de obras inscritas aos XVIII Premios Mestre

Publicamos a listaxe provisional de inscritos aos XVIII Premios Mestre Mateo

Seguindo o establecido nas bases dos Premios Mestre Mateo, poñemos á vosa disposición a listaxe provisional con todas as obras e profesionais inscritos a esta nova edición dos Premios. Desde hoxe, 7 de xaneiro, e ata o vindeiro venres día 10, as socias e socios da Academia poderán presentar alegacións sobre as obras e profesionais inscritos en prazo e forma nesta esta nova edición dos Premios Mestre Mateo. Unha vez recibidas as alegacións, a comisión de seguimento reunirase e revisará todas as candidaturas para, posteriormente, publicarar a listaxe definitiva. Para calquera dúbida ou aclaración podedes contactar coa oficina da Academia no teléfono 981 227 701 ou no mail premios@academiagalegeadoaudiovisual.gal. Enlaces de interese: | Bases | Listaxe provisional de obras inscritas aos XVIII Premios Mestre

Audiovisual e educación, tema de portada dos Papeis da Academia 2019

Hoxe publícase unha nova edición dos Papeis da Academia, dispoñible para a súa consulta en papeisdaacademia.org, con textos de María Yáñez, Sara Donoso, Manolo González, Pablo Barreiro, Jorge Mira e Julio González Díaz e fotos de Tamara de la Fuente, Amador Lorenzo e Aigi Boga. Este ano o tema de portada é unha panorámica do audivisual na educación, con entrevistas e reportaxes en profundidade sobre diversas experiencias que se veñen desenvolvendo desde a propia Academia Galega do Audiovisual, por parte de institucións como a Comisión Europea ou o CGAI, a Academia das Artes e das Ciencias Cinematográficas de España, a Academia do Cinema Europeo, festivais como Olloboi ou iniciativas particulares coma a do profesor Manolo González. No repaso á actualidade desde 2019 afondamos no éxito da ficción galega nas plataformas, coas producións de CTV Media, Portocabo e Vaca Films coas series O Sabor das Margaridas, a primeira serie en galego emitida en Netflix;

Aberto o prazo para participar nos IV Premios María Luz Morales

A Academia Galega do Audiovisual e as catro deputacións galegas premian, un ano máis, a excelencia na investigación científica no ámbito audiovisual convocando a cuarta edición dos Premios María Luz Morales, que foi presentada onte no marco do Culturgal.  O evento contou coa presenza de Carmela Silva, presidenta da Deputación de Pontevedra, que será a anfitrioa da entrega de premios da presente edición. Estivo acompañada por Aurelio Gómez, asesor de cultura da Deputación de Ourense e Pepe Coira, vicepresidente da Academia Galega do Audiovisual, quen reivindicou os dous obxectivos principais destes premios: descubrir a figura de María Luz Morales e propiciar o coñecemento e a investigación no eido audiovisual, o que constitúe unha das razóns de ser da Academia. Pola súa banda, Aurelio Gómez quixo destacar o valor da colaboración entre as catro deputacións para a posta en marcha desta convocatoria e a importancia do traballo conxunto para materializar proxectos 

Primeira listaxe de obras inscritas aos XVIII Premios Mestre Mateo

Seguindo o establecido nas bases dos Mestre Mateo, poñemos na web da Academia á vosa disposición a listaxe con todas as obras e profesionais inscritos a esta nova edición dos Premios. Desde o luns 25 de novembro e ata o venres 29 de novembro ás 14.00 horas, as socias e socios da Academia revisarán a listaxe de obras inscritas aos XVIII Premios Mestre Mateo, co obxectivo de observar se faltan candidaturas de obras e/ou de profesionais. Así mesmo, os profesionais poderán retirar a súa candidatura se non están conformes coa mesma.  Unha vez recibidas as achegas, a comisión de seguimento reunirase e revisará todas as candidaturas e, unha vez finalizado o proceso, publicarase unha primeira listaxe provisional.  Importante destacar que esta non é a listaxe provisional de candidatos. Esta obterémola en canto a comisión de seguemento revise todas as candidaturas recibidas. Para calquera dúbida ou aclaración podedes contactar coa oficina da Academia no

Aberto o prazo de inscrición para os XVIII Premios Mestre Mateo

Desde hoxe e ata o 25 de outubro estará aberto o prazo de recepción de candidaturas para os XVIII Premios Mestre Mateo, que recoñecerán as obras galegas estreadas no ano 2019 e aos profesionais que traballaron nos seus distintos departamentos técnicos e creativos. Non hai modificacións sustanciais con respecto ás bases da edición anterior, aínda así, recomendamos lelas atentamente antes de iniciar o proceso de inscrición. Como en anos anteriores, o proceso realízase a través da web da Academia. En caso de dúbidas ou consultas, podedes poñervos en contacto coas persoas que xestionan as inscricións no correo premios@academiagalegadoaudiovisual.gal ou nos teléfonos 981 227 701 e 981 208 393, de luns a xoves de 9:00 a 17:00 horas e os venres de 9:00 a 15:00. Deste xeito iniciamos a conta atrás para os Mestre Mateo 2020. A apertura do prazo de recepción de candidaturas é o primeiro paso dun proceso de selección que contará con dúas roldas de votacións: a

IV Semana das Músicas do Audiovisual-SEMUÁ

A Semana das Músicas do Audiovisual-SEMUÁ é un festival organizado pola Academia Galega do Audiovisual co apoio do Concello da Coruña, a Orquesta Sinfonica de Galicia e a Banda Municipal de Música da Coruña que, baixo a dirección artística do compositor, músico e produtor musical Nani García, dá protagonismo ás músicas para cine, televisión e outros medios audiovisuais. Cada ano presenta un suxestivo programa que pon o foco no traballo dos profesionais da composición, produción e interpretación das músicas que acompañan as obras audiovisuais. Na súa cuarta edición a SEMUÁ adicará unha especial atención á figura do  pianista e compositor arxentino Federico Jusid quen, ao longo da súa dilatada traxectoria, compuxo as bandas sonoras de máis de 40 longametraxes e 20 series de televisión. Algunhas delas serán interpretados pola Orquesta Sinfónica de Galicia no Teatro Colón o venres 1 de novembro, nun programa no que tamén terán cabida temas do

Sinatura de convenio de colaboración coa Academia Portuguesa das Artes e Ciências Cinematográficas

Os días 24 e 25 de setembro unha delegación da Academia Portuguesa das Artes e Ciências Cinematográficas visitou A Coruña para asinar un convenio de colaboración coa Academia Galega do Audiovisual. Con esta sinatura, ámbalas academias desexan avanzar nas relacións de cooperación entre Galicia e Portugal no eido cultural, colaborar en actividades que sirvan para apoiar e visibilizar o traballo dos profesionais do sector e propiciar o coñecemento mutuo. O director da Academia Portuguesa Paulo Trancoso e a nosa presidenta, Ana Míguez asinan o convenio de colaboración A delegación portuguesa estivo constituída por Paulo Trancoso, presidente da Academia Portuguesa das Artes e Ciências Cinematográficas, o coordinador de proxectos da institución Diogo Camões e o cineasta Miguel Gonçalves Mendes. Despois de que o Centro Ágora da Coruña acollera a sinatura do convenio entre  os presidentes das dúas institucións, a delegación  foi recibida polo concelleiro de

Colaboración coa Academia Portuguesa das Artes e Ciências Cinematográficas

Desde a Academia Galega do Audiovisual comprácenos anunciar o inicio dunha colaboración coa Academia Portuguesa das Artes e Ciências Cinematográficas. As nosas Academias representan a territorios irmáns en lingua e cultura, que manteñen unha importante relación de influencia mutua, afrontando problemas comúns e creando proxectos de cooperación conxuntos. Esta colaboración é posible grazas ao apoio do Concello da Coruña, o Instituto Camões e a colaboración do CGAI-Filmoteca de Galicia. Esta colaboración materializarase cun intercambio de programación que permitirá a proxección en Galicia de dous traballos premiados nas pasada edición dos Premios Sophia. Con ela queremos apoiar e visibilizar o traballo dos profesionais que conforman o sector, ao tempo que propiciamos o coñecemento mutuo, achegando ao público galego novas manifestacións da cultura portuguesa a través da súa cinematografía. Os vindeiros 24 e 25 de setembro, o CGAI-Filmoteca de Galicia