Fátima Davite: “Temos talento de sobra pero estamos a exportalo”

En 2022 estréase Luck, unha película de animación producida por Paramount Pictures e Skydance Animation, que conta con Whoopi Goldberg e Jane Fonda poñendo a voz dos personaxes protagonistas. No equipo atopamos a unha galega, Fátima Davite Aguiar. Empezamos a conversa con ela preguntándolle polo seu traballo en Skydance, concretamente pedímoslle que nos explique que é unha Senior Artist de Character Fx: “resumindo… somos os perruqueiros e os xastres das personaxes que aparecen nas películas de animación ou efectos especiais. Encargámonos de facer o pelo e mais as roupas das personaxes, dotar aos tecidos e os cabelos de movemento. Por exemplo, cando o personaxe se move facer que as súas roupas se engurren ou, se hai vento, que o seu pelo se mova”. Cando soubeches que querías dedicarte a isto? Lembro estar vendo o filme O señor dos aneis de pequecha co meu irmán e pensar o que me flipaban os entornos xerados por ordenador. Obsesioneime moitísimo e

Listado provisional de candidaturas aos XX Mestre Mateo

Publicamos a listaxe provisional de candidaturas aos XX Premios Mestre Mateo. O prazo para presentar as alegacións está aberto ata o luns 27 de decembro ás 14:00 horas, enviando un correo ao enderezo inscricions@academiagalegadoaudiovisual.gal. As alegacións recibidas serán estudadas pola comisión de seguimento dos Premios; unha vez valoradas e resoltas, publicarase a listaxe definitiva de candidaturas.As alegacións poderán ser presentadas polos membros da Academia, as produtoras participantes e as persoas que figuran como candidatas nas categorías profesionais aínda que non sexan membros da Academia.Pode consultarse calquera dúbida no enderezo inscricions@academiagalegadoaudiovisual.gal e o teléfono 981 227 701. Listado provisional de candidaturas aos XX Premios Mestre Mateo.

A Academia e o Concello da Coruña presentan as actividades que convertirán á cidade no “epicentro do audiovisual galego” en 2022

Os XX Mestre Mateo celebraranse o 19 de marzo en Expocoruña cun novo formato de galaA III Semana do Cinema Galego amplía a súa programación e duración con respecto á edición anteriorO XI Premio Sellier reivindica o 125 aniversario das primeiras películas rodadas en España Martes 14 de decembro de 2021 | Está mañá tivo lugar a rolda de prensa de presentación das actividades que se celebrarán en 2022 en virtude da colaboración entre o Concello da Coruña e a Academia Galega do Audiovisual, nunha rolda de prensa coa participación de Inés Rey, alcaldesa da cidade herculina, e Álvaro Pérez Becerra, presidente da Academia.  Durante a presentación, ámbalas dúas institucións reafirmaron o seu compromiso de seguir traballando para consolidar á Coruña como a cidade de referencia do sector audiovisual,  “o epicentro do audiovisual galego” en palabras da alcaldesa, “por número de empresas instaladas e polos postos de traballo que se xeran”. Na

Entrega do X Premio José Sellier

O antigo cine Valle Inclán da Coruña acolleu a entrega do X Premio José Sellier, un galardón que concede a Academia Galega do Audiovisual para recoñecer iniciativas salientables do noso sector, outorgado á revista de crítica cinematográfica A Cuarta Parede.  O novo galardón do Premio José Sellier O acto, no que Julieta Barro, Paul Álvarez e Iago Mouriño interpretaron versións de bandas sonoras de cinema, foi conducido pola presentadora e xornalista María Solar, quen destacou que a velada era tamén “unha cita para vernos as caras e darnos apertas. Para falarmos, saber uns dos outros e para alegrarnos”. María Solar, conductora do evento O Concello da Coruña, entidade cuxo apoio fai posible a celebración deste evento, estivo representado polo Concelleiro de Relacións Institucionais, Turismo e Seguridade Cidadá e primeiro tenente de alcaldesa Juan Ignacio Borrego, quen parabenizou á Academia pola organización do premio e destacou a súa importancia

A Academia e a AGADIC colaborarán para celebrar os XX Mestre Mateo cun formato de gala inédito

A Coruña, 1 de decembro de 2021. Unha representación da xunta directiva da Academia Galega do Audiovisual mantivo onte unha reunión na AGADIC co director, Jacobo Sutil, e a coordinadora de política audiovisual da institución, Dolores Meijomín, na que se acordou colaborar para que a celebración sexa un evento especial, cun formato de gala nunca visto nos vinte anos de vida dos premios do noso audiovisual. O proxecto da XX edición dos Mestre Mateo foi presentado polo presidente da Academia, Álvaro Pérez Becerra, a vicepresidenta Sonia Méndez e a tesoureira Carmen Méndez, acompañados polo director da institución, Miguel

A revista A Cuarta Parede, X Premio José Sellier

A Academia Galega do Audiovisual premia á primeira revista dixital en galego de crítica cinematográficaO galardón será entregado no antigo Cine Valle Inclán da Coruña o mércores 1 de decembro A Academia Galega do Audiovisual decidiu outorgarlle á revista A Cuarta Parede o Premio Especial José Sellier, que celebra, este ano, a súa décima edición. O acto de entrega do galardón terá lugar no antigo Cine Valle Inclán da Coruña o mércores 1 de decembro nun evento conducido pola xornalista María Solar, onde tamén se presentará o novo trofeo, deseñado polo artesán Teodoro Castro para conmemorar este décimo aniversario. O director da publicación, Jesús Silva definiu como “marabillosa coinciencia que o décimo aniversario do premio coincida co décimo aniversario da revista” e manifestou o seu “orgullo” por recibir un premio “botando unha ollada ás iniciativas que o recibiron antes que nos, moitas delas amigas ou que seguimos activamente. É certo

Sandra Sánchez: “Co tempo evolucionei cara a ficción, e agora síntome aí moi cómoda”

A nosa asociada Sandra Sáchez dirixiu A nena azul “como unha necesidade de experimentar coa ficción e de explorar o universo dunha nena que era a protagonista dunha longa que estaba escribindo, A nadadora”. A curtametraxe obtivo, entre outros recoñecementos, o Mestre Mateo á Mellor Curtametraxe de Imaxe Real en 2019. Falamos coa cineasta e montadora deste proxecto e doutras inquedanzas, agora que A nena azul ven de incorporarse ao catálogo de Fiestra.gal para este curso 2021-2022. Es unha das primeras mulleres tituladas en dirección pola Escola de Imaxe e Son de Someso. De que maneira afectou este aspecto ao teu desenvolvemento profesional?A presenza da muller no audiovisual cambiou moitísimo dende que eu empecei, xa que daquela era prácticamente inexistente. Na primeira promoción da EIS, no ano 92, eu era a única muller entre 60 estudantes e case unha ducia de profesores. Formeime sen ter referentes femininos. Penso que me tocou vivir un tempo no que as

I Premio Fiestra de Audiovisual Galego para a educación en valores

A Academia Galega do Audiovisual presentou onte no Auditorio Xosé Casal de Vila de Cruces, o I Premio Fiestra de Audiovisual Galego para a educación en valores, nun acto ao que asistiron Miguel Mariño, director da Academia; o concelleiro de cultura de Vila de Cruces Julio López; o director do IES Marco do Camballón José Manuel Iglesias e a actriz Camila Bossa.O acto de presentación foi precedido por una proxección dun programa feito a partir do catálogo de Fiestra polo alumnado do IES Marco do Camballón.O director da Academia presentou esta iniciativa, na que os centros de ensino de Galicia que formen parte da comunidade de Fiestra poderán decidir cos seus votos cal é a curtametraxe do catálogo merecedora do premio, polo seu valor á hora de facilitar o traballo e a reflexión na aula. Camia Bossa, Miguel Mariño, Julio López e José Manuel Iglesias O concelleiro Julio López augurou unha "longa vida" ao galardón, ao tempo que louvou a actitude e o comportamento

Pedro Brandariz: “Jacinto vai dar moito que falar”

O noso asociado Pedro Brandariz protagoniza Jacinto a segunda longametraxe de ficción de Javi Camino, estreada onte no Festival de Sitges.  Nela interpreta a Jacinto, un neno de nove anos atrapado no corpo dun home de corenta, que vive unha existencia apacible na súa aldea, ata que a chegada de dúas novas veciñas perturbará a súa existencia. Falamos con este cómico, como lle gusta definirse, sobre unha película que promete non deixar a ninguén indiferente "Javi Camino creou unha historia para todo tipo de públicos, pero ás namoradas e namorados do xénero vailles encantar, pois está moi ben construído, ten moitas referencias, e sobre todo é moi divertida". Sendo humorista, e  cunha carreira moi ligada a proxectos de humor, como foi a construción do personaxe de Jacinto? Todo foi moi fácil. O personaxe de Jacinto ten moitas cousas en común conmigo mesmo, polo que non tiven que traballar moito. Jacinto é un neno no corpo dun home de 40 anos e eu síntome moitas

Ábrese o prazo de inscrición para os XX Premios Mestre Mateo

O prazo de inscrición de obras e profesionais para participar nos XX Premios Mestre Mateo estará aberto de hoxe, 14 de outubro de 2021 ata o 5 de novembro ás 14:00 horas.  Esta edición presenta unhas bases renovadas, atendendo ás demandas do sector e aos novos hábitos de consumo dos espectadores. Estas son algunhas das novidades máis salientables: Poderán participar aquelas obras que tiveran a súa primeira comunicación pública entre o 1 de decembro de 2020 e o 30 de novembro de 2021.  Nas categorías de Mellor Programa e Mellor Comunicador/a elimínase a referencia á televisión.Por vez primeira, poderán participar na categoría de Mellor Comunicador/a calquera profesional que comunica un contido en vídeo e o distribúe por Internet, asi como os intérpretes que aparecen en programas. Rebáixase a cota de inscrición nas categorías de curtametraxe de imaxe real, curtametraxe de animación, serie web e videoclip a 15,00 euros polo primeiro traballo