Iolanda Muíños presentará a Gala dos Mestre Mateo

A actriz Iolanda Muíños exercerá de mestra de cerimonia da gala de entrega dos premios Mestre Mateo que terá lugar o sábado 4 de marzo no Palexco da Coruña para repasar o mellor da produción audiovisual galega do pasado ano. A gala, que estará dirixida por Manolo Cortés, terá tamén unha destacada compoñente musical que correrá por conta da compañía Voadora. Iolanda Muíños (Narón, 1975) é actriz de teatro, cine e televisión. Foi galardoada con premio María Casares de teatro á mellor actriz protagonista por Life is a Paripé (2011) e á mellor actriz secundaria por Presidente (2016). No ámbito do cine ten participado como actriz en longametraxes como 8 Apellidos Catalanes, El Desconocido, Os Crebinsky, Mar Adentro ou 13 Badaladas. Para televisións estatais ten traballado en series como Cuéntame, Los Serrano ou La que se Avecina. Na TVG formou parte dos elencos de Pazo de Familia, A Casa da Conexa, Escoba, Padre Casares, Libro de Familia, Rías Baixas ou

Listaxe completo de nominacións dos Mestre Mateo 17 por categorías

Longametraxe – Cen Anos de Perdón (Vaca Films, Morena Films, Telecinco Cinema, Telefónica Studios, K&S Films, Marenostrum Productions ) – María y los Demás (Frida Films, Avalon, TVG, Movistar Plus e TVE) – Migas de Pan (Xamalú Filmes e RCI Producciones ) – Mimosas (Zeitun Films, La Prod e Rouge International)   Serie de Televisión – Dalia, a Modista (TVG e CTV) – Era Visto (Producións Zopilote e TVG) – Nós (Cap . 1) (Osdous Ardebullo) – Serramoura (Caps. 37-61 ) (Voz Audiovisual e TVG )   Programa de Televisión – Buscando Ardebullo (Osdous Ardebullo) – Deportes Imposibles (6) (Daruma Media) – Land Rober Tunai Show (TVG e CTV en colaboración con Destino Bergen) – Ziz Zag Diario (TVG)   Interpretación Masculina Protagonista – Federico Pérez (Era Visto) – Luis Tosar (Cen Anos de Perdón) – Miguel Ángel Blanco (Serramoura – Caps. 37-61) – Monti Castiñeiras

María y los Demás e Dalia, a Modista acadan o maior número de nominacións aos Mestre Mateo

A Academia Galega do Audiovisual deu a coñecer as obras e artistas nomeados para a décimoquinta edición dos premios Mestre Mateo que cada ano revisan a produción audiovisual galega. A Academia deu a coñecer os finalistas nesta edición dos premios nun acto celebrado na sede da Fundación SGAE en Santiago que estivo presentado pola actriz María Vázquez e o actor Federico Pérez, e no que tamén participou o presidente da AGA, Carlos Ares. Trala primeira rolda de votacións a longametraxe María y los Demás obtivo o maior número de nominacións (13), entre elas as de Mellor Longametraxe, Interpretación feminina protagonista, Interpretación feminina de reparto, Dirección e Guión. A segunda produción máis nomeada foi a serie de televisión Dalía, a Modista, con 12, entre elas as de Mellor serie de televisión, Interpretación feminina protagonista, Interpretación masculina de reparto, Interpretación feminina de reparto, Dirección e Dirección de

AGA dará a coñecer o 7 de febreiro os nomeados aos Mestre Mateo

A Academia Galega do Audiovisual dará a coñecer o martes 7 de febreiro, na Fundación SGAE de Santiago, os nomes das obras e candidatos finalistas aos premios Mestre Mateo, que este ano cumpren a súa décimoquinta edición. Os encargados de facer públicos os nomeados deste ano serán os actores Susana Dans e Federico Pérez Trala primeira rolda de votacións, que rematou hoxe, os membros da AGA escolleron catro finalistas en cada unha das 25 categorías. Unha vez coñecidos os nomeados en cada categoría, os socios da AGA escollerán de novo para elixir aos galardoados en cada unha delas O resultado desa votación coñecerase na gala dos Mestre Mateo que este ano se celebrará no Palexco da Coruña o día 4 de marzo. A listaxe de candidaturas desta décimoquinta edición dos premios estaba formado por 176 obras (5 longametraxes, 25 documentais, 10 series de televisión, 9 series web, 32 programas de televisión, 31 curtametraxes de imaxe real, 8 curtas de animación, 20

mestremateo

176 obras buscan un Mestre Mateo

Publicamos o listado definitivo de candidaturas que participarán na XV edición dos Premios Mestre Mateo. A partir desta publicación comeza a primeira rolda de votacións dos premios. Os académicos e académicas emitirán os seus puntos nas vinte cinco categorías a través da plataforma de visionado e votación en liña, e así elixir aos catro finalistas que se anunciarán o vindeiro mes de febreiro e que optarán a levarse un Mestre Mateo. Un total de 176 obras (das cales 5 son longametraxes, 25 documentais, 10 series de televisión, 9 series web, 32 programas de televisión, 31 curtametraxes de imaxe real, 8 curtas de animación, 20 anuncios publicitarios e 36 videoclips), 171 produtoras e 498 profesionais forman parte do listado, o que supón un incremento en relación ás edicións anteriores dos premios. Moita sorte a todxs! Listaxe definitiva candidaturas

O anuario da Academia volve audiovisual

Os Papeis da Academia Galega do Audiovisual na súa edición de 2016 xa están a disposición dos socios da Academia e dos lectores nun novo formato en soporte maioritariamente audiovisual. Este número ofrece unha reportaxe sobre a situación laboral das actrices e dos actores galegos baseado en dez entrevistas a intérpretes galegas e galegos de distintas xeracións. Mónica Camaño, Ernesto Chao, Iolanda Muíños, Iria Sobrado, María Mera, Laura Míguez, Marta Doviro, Mabel Rivera, Monti Castiñeiras, Isabel Blanco e César Goldi contan as súas experiencias de traballo para conformar desde cada unha das súas entrevistas unha paisaxe completa da situación en Galicia. O outro punto forte deste anuario é a sección das Músicas da Academia, dedicada neste número ao compositor Manuel Riveiro. Unha amplia entrevista e unha selección das súas composicións elexidas polo músico. Accede desde

desconto2016v2

Faite socio e vota nos Mestre Mateo

Queres votar nos XV Premios Mestre Mateo e axudarnos a que sexan máis representativos? Faite socia/o antes de fin de ano e conseguiremos que a Academia sexa máis plural e útil para o sector audiovisual, e acadar unha voz potente e propia ante o mundo. Ademais, se tes menos de 31 anos ou levas 6 meses sen traballar obtén un desconto do 30% na cota anual. Enlace ao formulario de solicitude de

para-marta-definitivo-01-copia

Listado provisional de candidaturas aceptadas dos Mestre Mateo

Publicamos o listado provisional de candidaturas aceptadas dos Mestre Mateo e comeza o período de alegacións para os membros da Academia relativos a producións presentadas, argumentar sobre as categorías nas que non esteades de acordo ou se observades omisións, erros ou outras cuestións que queirades que se teñan en conta. O prazo para enviar as vosas alegacións remata o vindeiro xoves, día 29 de decembro ás 14h, e tedes que achegárnoslas ao mail premios@academiagalegadoaudiovisual.gal A continuación vos deixamos o listado en PDF. Listaxe Provisional Candidaturas Aceptadas XVPMM

PantillaPaula

A Academia presenta a base de datos dos festivais audiovisuais galegos

A Academia Galega do Audiovisual presenta a base de datos con tódalas mostras de audiovisual que se celebran en Galicia para dar a coñecer ao público tódalas convocatorias festivaleiras existentes no país. O directorio, resultado das reunións mantidas entre festivais e a Academia durante 2015 e da que naceu a Coordinadora de Festivais de Cine de Galicia, recolle os nomes, datas, imaxe e enderezo de contacto dos mesmos. Está aloxado na web da asociación para a consulta pública. Deixámosvos o enlace para que lle botedes unha ollada e comecedes a anotar na

I PMLM

A Academia pon en marcha os Premios María Luz Morales de investigación audiovisual

A Academia Galega do Audiovisual convoca os premios María Luz Morales para promover a investigación científica no ámbito audiovisual. Desde esta primeira edición, estes premios contarán con catro modalidades que atenderán traballos de videoensaio e ensaio escrito, de ámbito galego e internacional. Nesta iniciativa, a primeira destas características en Galicia, participan as catro deputacións galegas. No acto de presentación da primeira edición dos premios Mari Luz Morales, participaron os responsábeis das áreas de Cultura das Deputacións da Coruña, Pontevedra e Lugo, Goretti Sanmartín, Xosé Leal e Pilar García, o Concelleiro de Culturas da Coruña, José Manuel Sande e o Presidente e a Tesoureira da Academia Galega do Audiovisual, Carlos Ares e María Yáñez. Na súa intervención, Carlos Ares, que deu grazas ás catro Deputacións por responder á chamada de colaboración da Academia, sinalou que os novos premios eran un “empeño da directiva” pola