A produtora Voz Audiovisual busca bebé, de sexo masculino, que teña ou aparente entre seis e doce meses de idade, para a serie “Matalobos”. O neno elixido formará parte do reparto fixo da produción. Tamén selecciona figurantes de todas as idades para a nova tempada.
O cásting de bebés terá lugar o mércores 8 de setembro en Voz Audiovisual, na rúa Gambrinus, 97, polígono A Grela, A Coruña; en horario de 10.00 a 14.00 e de 16.00 a 18.00 horas.
Para traballar na serie, os nenos non deben cumprir con ningunha característica física concreta; so ter ou aparentar entre seis e doce meses de idade. O equipo da serie valorará o parecido cos pais na ficción, así como o feito de que teñan irmáns xemelgos, aínda que non é una condición imprescindible.
Por outro lado, o casting de figuración celebrarase o martes 7 de setembro na Voz Audiovisual, na Rúa Gambrinus, 97, polígono A Grela, A Coruña; en horario de 10.00 a 14.00 e de 16.00 a 18.00 horas.
A produtora busca persoas de todos os perfís, con e sen experiencia, de todas as idades e complexións físicas, aínda que tamén se valorarán os seguintes perfís: homes e mulleres de orixe ou rasgos sudamericanos e xente que practique artes marciais e deportes de risco, incluídos os amantes dos deportes de motor.
Para presentarse á selección non é preciso chamar antes, chega con acudir á cita e estar en situación de poder ser contratado.
Os interesados que non poidan acudir a algunha destas citas, dispoñen tamén dunha dirección de correo electrónico para enviar as fotos, datos dos bebés ou adultos interesados en figuración, raquel.pardo@vozaudiovisual.com; así como dun número de teléfono, 619.312.440.