A cutametraxe documental “Cine do Pobo” gana o premio no prestixoso IX festival internacional de curtametraxes “Curtocircuíto” que se está a celebrar en Santiago de Compostela.

A curta, producida pola Escola de Imaxe e Son da Coruña é unha obra da alumna Eve Martinez que mostra unha viaxe a través da historia das salas de cine rurais con testemuñas de xente que dedicou gran parte das súas vidas a crear ilusións no cine “Don Juan” de Vilalonga (Sanxenxo).

 

A peza premiada competiu na sección oficial de Escolas Galegas ACME con case trinta obras presentadas ao concurso que pretende dar a coñecer a calidade técnica e narrativa das curtametraxes producidas polas escolas galegas.