“Unha 2ª canle na TVG é necesaria para reforzar máis a autoestima como país, e para ofrecer máis plataformas de proxección da producción que se fai en Galicia”. Esta podería se-la conclusión que unifica as distintas posicións mantidas no “Foro 2ª canle TVG” celebrado o xoves en Vigo, organizada pola Academia Galega do Audiovisual e ó que aistíu unha ampla representación tanto do sector audiovisual como cultural e político de Galicia.

Responsables das televisións autonómicas do estado español, os profesionais do audiovisual en Galicia, empresas do sector, organizacións e institucións culturais, e representantes dos partidos políticos con representación parlamentaria no noso país (PP, PsdeG-PSOE e BNG), daranse cita o xoves 22 de xaneiro en Vigo dende as 10 da mañá –no Centro Social Caixanova (Policarpo Sanz 24)- para comeza-lo proceso de debate sobre a necesidade da posta en marcha dunha 2ª canle da Televisión de Galicia. Este é o tema que centra este Foro que supón o primeiro paso do proceso que formará parte das actividades da Academia Galega do Audiovisual no presente ano 2004, segundo afirmou Manolo Gómez, presidente da A.G.A. na rolda de prensa celebrada en Vigo para presenta-lo “Foro 2ª canle TVG”. Na Rolda de Prensa estiveron presentes tamén a vicepresidenta da asociación, Isabel Blanco, a tesoureira, Marta Villar, e a xerente, Mamen Quintas.

¿É necesaria unha 2ª canle da TVG? ¿Existe demanda social en Galicia? ¿É unha demanda do sector audiovisual? ¿Por qué sómo-la única Comunidade Autónoma que carece de 2ª canle de televisión autonómica? ¿Somos capaces de manter, economicamente, unha 2ª canle? Son todas elas preguntas que están xordindo no sector audiovisual galego, e que a Academia Galega do Audiovisual afronta decididamente.

“Modernización e ITV”, a mesa redonda que pecha o Foro Academia Abierta “Pola excepción e a identidade cultural” na Coruña. O tema, “Modernización e ITV”. Os poñentes: o músico Nani García, o director de fotografía Tomás Pladevall, o director de arte Félix Murcia, o director de arte Félix Murcia, o escenógrafo virtual Ignacio Platero, o montador Anastasio Ramos, e o director de fotografía e moderador Suso Bello. No fondo e na superficie, analizáronse as novas tecnoloxías no cine, anque non se pasou por alto a repercusión e diferencia que existe cando de novas tecnoloxías falamos, entre o cine e a televisión.

“Debe tratarse o cine só como industria, ou tamén coma un acto creativo?”. Esta foi unha das preguntas sobre as que os compoñentes da mesa redonda que baixo o título “Marca de Fábrica” asistiron esta mañá á segunda xornada do Foro Academia Aberta “Pola excepción e a identidade cultural” que se celebra na Fundación Luís Seoane da Coruña. Os actores Jorge Bosso, josé Ángel Egido, Antonio Mourelos –que actuou tamén como moderador-, Vicky Peña e Artur Trillo, foron os compoñentes da mesa. Para o galego José Ángel Egido, non é preciso que nos apropiemos da idea norteamericana de “entende-lo cine coma unha industria, “por qué vai prevalecer ese argumento”, dicía, porque o cine pode ser un acto comercial e un entretemento á vez. A idea da excepcionalidade cultural pode dar diñeiro, e por iso hai que manter esa idea”.

“OS EXHIBIDORES NON TIVERON AXUDAS ESTATAIS PARA MODERNIZA-LAS SALAS DE CINE” Con esta frase, o presidente da Federación de Exhibidores Cinematográficos de España, Primitivo Rodríguez, aludíu á falla de apoio que tiveron os exhibidores de cine en España porparte da administración estatal, para anova-lo parque de salas de cine, pasando das tradicionais minisalas, e posteriormente os megaplex –salas en gradas-; centrou na mesa redonda “Made in Galicia” a súa participación en defende-la diversidade cultural, e na adaptación das salas de cine ás novas tecnoloxías, é dicir, á exibición dixital, o que supón que terían que adquirir novos tipos de proxectores axeitados para a proxección de material rodado con tecnoloxía dixital. Participaron tamén na mesa Antón Reixa, Javier Vasallo (Buenavista Internacional), Carlos Carballo (director de programas da TVG e moderador do acto-, Julio Fernández (de Filmax), Pancho Casal (Continental) e o

Os directores de cine que conformaron a mesa redonda sobre a “Identidade Cultural” –celebrada dentro do Foro Academia Aberta “Pola excepción e a identidade cultural” na Coruña-, amosáronse inequivocamente en ontra da “colonización do cine e do audiovisual en xeral, que provén de Norteamérica, e evita o desenvolvemento e incluso a proxección de futuro do noso cine, e xa non só do español, senón tamén do europeo en xeral”. Os integrantes da mesa, Manuel Esteban, Santiago San Miguel, Xavier Villaverde, Manolo Abad –moderador-, Carlos Amil e Gonzalo Tapia, afondaron na diferencia que existe entre o que é a “diversidade cultural” e a “excepción cultural”. Así o explicou o Director de Ccine e Presidente da ADIRCE –Asociación de Directores e Realizadores de Cine de España-, quen aclarou que “a diversidade cultural é unha realidade que xa existe de por si dentro incluso de cada país, e por

“NON FALAMOS DUN PRODUCTO CINEMATOGRÁFICO GALEGO PARA GALICIA, SENÓN PARA SACALO FÓRA” “O problema fundamental á hora de falar de cine galego, é se o queremos ou non. Non se trata hoxe de saber se temos ou non esa capacidade, senón que queremos facelo ou non”. Así abría Xosé Ribadulla Corcón, presidente da Asociación Galega de Guionistas, a primeira das mesas redondas que abre o Foro Academia Aberta “Pola excepción e a identidade cultural” que esta mañá foi inaugurado. Unha mesa redonda na que ademais de Corcón, participaron Camilo Franco, Escritor e xornalista, Yolanda Castaño, Poeta, Valentín Fernández-Tubau, guionista e Vicepresidente de “Alma” (Autores Literarios de Medios Audiovisuales), e que foi moderada polo crítico de cine e historiador Miguel Anxo Fernández.

“Denominación de orixe”, “Marca de fábrica”, “Made in Galicia”, “Modernización e ITV”, e “A identidade cultural”, son os títulos das mesas redondas que ocuparán as xornadas de mañá e tarde durante os días de celebración deste Foro, que será clausurado o día 24 e que terá como ‘broche final’ unha cea de gala na que, ademais de impoñe-la Medalla de Ouro a un persoeiro do sector o director de cine José Luis Cuerda, entregaranse os títulos de “Académicos de Honor 2003”, rematando todo elo cunha ‘queimada tradicional’ de exconxuro: o obxecto do mesmo é espanta-lo mal de ollo do cine español.

“O AUDIOVISUAL NON TEN QUE SER UNHA EXCEPCIÓN, SENÓN UNHA REALIDADE EN TÓDOLOS EIDOS SOCIAIS” Inaugurado o “Foro pola Excepción e a Identidade Cultural” na Coruña Ás 10 da mañá quedou inaugurado o Foro Academia Aberta “Pola excepción e a identidade cultural”, que un ano máis organiza a Academia Galega do Audiovisual. Manolo Gómez, o seu Presidente, Carmen Marón, Concelleira de Educación e Cultura do Concello da Coruña, e Enrique González Murga, subdirector xeral de telecomunicacións e audiovisual –que representaba á Consellería de Cultura, Comunicación Social e Turismo e máis ó Consorcio do Audiovisual Galego-, foron os encargados de inaugurar este evento que dende hoxe e ata o venres 23 de abril, encherá en xornadas de mañá e tarde de mesas redondas que abranguerán distintos temas que atinxen ó sector, encol do seu enunciado.