Cineclube: novos programadores de audiovisual galego

Imaxe Novos Programadores

Unha oportunidade para descubrir e ver o mellor cinema feito en Galicia. Compartiremos a nosa ollada persoal dos filmes coas súas autoras e autores e aprenderemos a diferenciar os seus aspectos máis destacados.

Seleccionaremos aquelas películas que máis nos interesen para, ao final de curso, programar unha sesión pública de cine con elas.

Durante o obradoiro tamén exercitaremos a nosa creatividade prestando especial atención ao deseño de materiais para promocionar a nosa sesión de cine, á escritura de textos breves sobre as películas ou como falar en público para presentalas.

[Actividade organizada pola Academia Galega do Audiovisual co apoio do Concello da Coruña]

DIRIXIDO A:
Persoas que desexen explorar a súa paixón polo cinema desde unha perspectiva persoal para despois compartila co público.

Haberá un grupo de rapaces e rapazas de entre 12 e 18 anos e outro para persoas maiores de 55 anos.

ONDE:
No Centro Ágora. Lugar da Gramela 17. 15100 A Coruña.

CANDO:
Os venres de 17:00h a 18:30h

Grupo de 12 a 18 anos | De febreiro e Marzo
1, 8, 15 e 22 de febreiro e 1, 8, 15 e 22 de marzo.

Grupo de máis de 55 anos | Abril, Maio e Xuño
5, 12 e 26 de abril;  3, 10, 24 e 31 de maio e 7 de xuño

Procedemento

Programar unha sesión de cinema consiste en organizar unha serie de pezas audiovisuais para ser proxectadas públicamente. O traballo da “programación de cinema” implica visionar as películas con atención, coñecer o traballo dos cineastas, pensar no público ao que se dirixen e o xeito de comunicarse con el.

Ao longo do Obradoiro de Cineclube un profesional da programación de cinema será o encargado de acompañar ao alumnado nas labores de visionado, debates e selección de obras que formarán parte da proxección pública que terá lugar a finais de curso. Así mesmo tamén axudará ás persoas participantes na planificación, produción, deseño de materiais de publicidade e presentación deste evento.

Docentes

MARCOS NINE

Cineasta, guionista e docente. É o director artístico e programador do Festival Internacional de Cine Infantil, Cinema Crianza.

JORGE RIVERO

Director e programador do Festival Internacional de Curtas Infantís de Galicia, PequeFilmes.

Inscrición

PREZO: 10 euros

PRAZAS LIMITADAS:
As solicitudes de prazas tramitaránse por estrita orde de chegada.

Para recibir máis información sobre o obradoiro ou o procedemento de inscrición, as persoas interesadas pódense poñer en contacto connosco na recepción do Centro Ágora (Lugar da Gramela 17, A Coruña), a través do e-correo info@academiagalegadoaudiovisual.gal ou no teléfono 981 227 701.