O Teatro Rosalía de Castro da Coruña acolle hoxe xoves 24 de xaneiro, ás 20.30h, o estreo do espectáculo teatral “Gaivotas subterráneas”. Baixo a dirección de Artur Trillo, os dous actores protagonistas, Luís Igrexa B. e Xabier Deive, poñen en escena un texto de Alfonso Vallejo.

Con unicamente dous personaxes e altas doses de intriga, Alfonso Vallejo é capaz de crear en Gaivotas subterráneas  unha atmosfera inquietante ao redor da relación de dous vellos amigos. Un auténtico combate verbal e teatral que, nesta versión de Artur Trillo, librarán dúas dos nosos actores máis coñecidos: Luís Igrexa B. e Xabier Deive.

A obra supón, ademais, o estreo dunha nova liña de colaboración entre tres empresas da industria cultural galega. Trátase da primeira coproducción de Voz Audiovisual, RTA e Talía Teatro; tres empresas cunha ampla experiencia nos seus respectivos sectores e que unen esforzos nun momento especialmente delicado para o sector.

Tralo seu estreo nun lugar tan emblemático como o Teatro Rosalía de Castro da Coruña, Gaivotas Subterráneas virará por diversos escenarios de toda  Galicia:

24, 25 e 26 de Xaneiro: Teatro Rosalía de Castro (A Coruña)

29 e 30 de Xaneiro: Teatro Principal (Santiago de Compostela)

6 e 7 de Febreiro: Pazo dá cultura (Pontevedra)

9 de Febreiro: Auditorio Municipal (Cangas)

16 de Marzo: Pazo dá Cultura (Narón

23 de Marzo: Auditorio Gabriel García Márquez (Oleiros)