Co gallo da presenza do Consorcio Audiovisual de Galicia no Sales Office de San Sebastián, as productoras británicas englobadas no programa Cine Euro amosan o seu interese en propiciar encontros con empresas galegas.

O Consorcio Audiovisual de Galicia é socio fundador da organización Cine-Regio, a cal engloba nestes intres a máis de 30 membros de 12 países da Unión Europea (www.cine-regio.org).

Entre os distintos grupos de traballo que desenvolve esta organización atópase CINE EURO. Este programa desenvólveo Screen-South e está dirixido a produtoras do Reino Unido.

Desde Screen-South puxéronse en contacto co Consorcio, xa que debido á presenza deste no Sales Office de San Sebastián, están interesadas en propiciar encontros entre as 8 productoras británicas que participan no programa CINE EURO e productoras galegas.

Estas empresas británicas teñen diferentes proxectos de longametraxes e están interesadas en contactar con compañías españolas de cara á co-producción europea dos seus proxectos.

Todas aquelas productoras que estean interesadas en manter un encontro coas británicas, pódense poñer en contacto co Consorcio no 981 545 098 ou a través do email proxectos@consorcioaudiovisualdegalicia.org.