O Centro Galego de Artes da Imaxe (CGAI) presenta a súa axenda cultural para o vindeiro mes, unha oferta na que figuran autores relevantes no panorama internacional do cinema como Samuel Fuller, Sam Peckinpah, Marcel Carné ou Jem Cohen, encargado de impartir a derradeira master class que organizou o Centro Galego de Artes da Imaxe.

As proxeccións no número 10 da Rúa Dorian Loriga comezan o vindeiro luns, 1 de marzo, con ‘Ladrones en la Noche’ de Samuel Fuller. Do autor francés Marcel Carné poderanse visionar obras como ‘Les enfants du paradis ou ‘Hôtel du Nord’.

Por outra banda, farase unha ampla mostra da producción do visionario en documental audiovisual Jem Cohen. Estas proxeccións  completan a sesión didáctica que impartiu o creador no local da Fundación Caixa Galicia en A Coruña.

O Novo Hollywood introdúcese no ciclo do mes de marzo da man dos thrillers ‘La Huida’ de Sam Peckinpah ou ‘Asalto a la comisaría del distrito 13’, de John Carpenter.

A programación do CGAI complétase co ciclo ‘Fóra de serie’, no que se inclúen ‘El mundo sigue’ de Fernando Fernán-Gómez ou ‘YUKI & NINA’, de Nobuhiro Suwa e Hippolyte Girardot.

As datas e  os horarios, así como as fichas das películas pódese consultar na web: www.cgai.org. Así, na web tamén figuran as especificacións de venda e precios para asistir ás proxeccións.