STEPHEN FREARS, ENRIQUE NICANOR, PETER OLAF, MAIXENCHS, MAZONCILLO… SON ALGÚNS DOS RELATORES QUE PARTICIPARÁN NO II CONGRESO GALEGO AUDIOVISUAL

O Comité de Organización do II Congreso Galego Audiovisual aprobou hoxe o Programa que se levará a cabo ó longo deste importante evento, durante os días 16, 17 e 18 de decembro próximos. Este Comité está integrado por 26 membros, profesionais todos eles do sector en Galicia, e que representa á práctica todalidade das actividades que integran o audiovisual.

O luns día 15 preséntase o Programa do II Congreso Galego Audiovisual

O vindeiro luns día 15 de novembro, preséntase en Rolda de Prensa o Programa que se desenvolverá no decurso do II Congreso Galego Audiovisual, que terá lugar en Santiago os vindeiros 16, 17 e 18 de decembro.

AMPLÍASE O PRAZO PARA ENVIAR COMUNICACIÓNS AO II CONGRESO GALEGO AUDIOVISUAL

O prazo para a recepción de Comunicacións amplíase até o 30 de Outubro. Todas as persoas que o desexen poderán enviar artigos nos que expoñan os seus traballos encadrados nalgunha das áreas temáticas do II Congreso Galego Audiovisual, nos que se describan: - Estudos, análises, comparativas e outros traballos de investigación vencellados co audiovisual galego. - Casos e experiencias realizadas e iniciativas innovadoras en calquera dos eidos do Congreso. -Producións audiovisuais realizadas, impacto obtido, difusión, obxectivos conqueridos, etc. Máis información en www.congresogalegodoaudiovisual.com

O II CONGRESO GALEGO AUDIOVISUAL POTENCIA OS ENCONTROS E PRESENTACIÓNS CORPORATIVAS

A celebración de Encontros e Presentacións Corporativas no ámbito do II Congreso Galego Audiovisual que organiza a Academia Galega do Audiovisual e que se celebrará os días 16, 17 e 18 de decemebro próximos, son parte do programa previsto polo Comité Organizador deste evento que reunirá a todo o conxunto de profesionais, empresas, institucións e entidades que conforman directa e indirectamente o sector audiovisual galego, e que reunirá en Compostela ós grandes profesionais tanto galegos coma estatais e internacionais.

A Delegación deAISGE en Galicia precisa para as súas oficinas de Santiago unha persoa para o posto de Coordinador/a.

A Delegación deAISGE en Galicia precisa para as súas oficinas de Santiago unha persoa para o posto de Coordinador/a. Perfil profesional. Requírese: - Licenciado/a en Dereito, Empresariais ou Económicas. - Dotes organizativas. - Dominio do Galego (falado e escrito). - Valoraránse coñecementos en temas de propiedade intelectual. - Experiencia no sector audiovisual (non imprescindible). Os interesados enviar currículo a iblanco@arrakis.es antes do xoves día 29 de xullo.

CONTIDOS, ESQUEMA E COMITÉ CIENTÍFICO PARA O II CONGRESO GALEGO DO AUDIOVISUAL

Novas Medias, Perfís Profesionais, Contidos, Cadea de Valor, Industrias Culturais e Patrimonio Histórico, son as seis áreas definidas, coas súas correspondentes temáticas, para dotar de contidos ó II Congreso Galego do Audiovisual, segundo acordou hoxe 1 de xuño o Comité Organizador do Congreso.

MAÑÁ MARTES 1 DE XUÑO REÚNESE O COMITÉ ORGANIZADOR DO CONGRESO GALEGO DO AUDIOVISUAL

Mañá martes 1 de xuño, ás 11 da mañá, no Hotel Palacio do Carmen de Santiago de Compostela, reúnese o Comité Organizador do II Congreso Galego do Audiovisual. O Comité presentará e someterá a aprobación os contidos e a estructura do Congreso, así como a Imaxe de Identidade do mesmo. Ademais, elixiranse os membros que integrarán o Comité Científico –de expertos- que terá un peso decisivo en todo canto atinxe ós contidos que serán desenvolvidos ó longo do devandito Congreso.

A ACADEMIA GALEGA DO AUDIOVISUAL PON EN MARCHA O II CONGRESO GALEGO DO AUIOVISUAL

Hoxe mércores, 28 de xaneiro, presidido por Manolo Gómez como Presidente da A.G.A., quedou constituído o Comité Organizador do “II Congreso Galego do Audiovisual”, que terá lugar os días 9, 10 e 11 de decembro en Santiago de Compostela (Pazo de Congresos), e no que se traballará co fin de que nel participen, ademais da totalidade do sector audiovisual en Galicia, todos aqueles sectores que indirectamente forman parte del, dende a cultura, a industria, as Universidades e demais institucións vencelladas á industria audiovisual e ó seu motor creativo.

PROGRAMA DO FORO DE DEBATE SOBRE A 2ª CANLE TVG

"2ª Canle: un proxecto", é a mesa redonda que ocupará ós relatores e asistentes a este Foro na xornada da mañá. Nela participan os representantes da práctica totalidade das televisións autonómicas do estado, ademais dos representantes políticos con presencia parlamentaria. "2ª Canle: unha demanda", é a mesa redonda que se celebra pola tarde, e nela está presente a práctica totalidade das distintas actividades e profesións que integran o sector audiovisual en Galicia.

O SECTOR AUDIOVISUAL GALEGO DEFENDE A CREACIÓN DA 2ª CANLE DE TELEVISIÓN DE GALICIA

“Unha 2ª canle na TVG é necesaria para reforzar máis a autoestima como país, e para ofrecer máis plataformas de proxección da producción que se fai en Galicia”. Esta podería se-la conclusión que unifica as distintas posicións mantidas no “Foro 2ª canle TVG” celebrado o xoves en Vigo, organizada pola Academia Galega do Audiovisual e ó que aistíu unha ampla representación tanto do sector audiovisual como cultural e político de Galicia.