AMAL ELIXE A UN GALEGO COMO GAÑADOR DO 2º CONCURSO DE CARTEIS

31 / 05 / 2012

O Festival Internacional de Cine Euroárabe Amal elixiu, entre máis de 300 carteis participantes, un traballo elaborado polo Director Creativo da Axencia Rubine Red Co, de Santiago de Compostela, Alfonso Serrano. De entre o total de 300 carteis, hainos de diversa procedencia. Ao redor dun 50% son españois, mentres que os demais proceden de países como Francia, Bélxica, Reino Unido, Portugal, Colombia, México e os países árabes. Os 30 primeiros calsificados serán expostos durante a semana oficial do Festival (do 14 ao 20 de Outubro de 2012) para que o público poida gozar das distintas opcións gráficas que se presentaron este ano ao 2º Concurso de Carteis Amal.

O gañador foi premiado con 1.200 euros en metálico e terá a honra de ser a imaxe do Festival Amal na súa X edición, que se celebrará o próximo mes de outubro en Santiago de Compostela.

“Camel Chaplin”, que é o nome que recibe devandito cartel, é “unha proposta arriscada coa que se pretende romper as regras establecidas, sorprender, impactar, fomentar o debate, baixo segundo que miradas, e ata a polémica”, di o seu creador. Foi escollido pola súa calidade gráfica e porque supón unha mirada irónica e rupturista que evidencia a notoriedade dun certame xa consolidado, que aposta pola creatividade, a participación do seu público, o intercambio de coñecementos e de cultura.

 

Categoría: Noticias
Etiquetas: