Volve ao Centro Ágora a maior competición de cine a contrarreloxo do mundo. Para os fanáticos do cine, da escritura ou simplemente para os apaixonados da escenificación este é o voso festival. Do 28 ao 30 de marzo na Coruña a organización do festival reta ao mundo do audiovisual galego a realizar unha curtametraxe en só 48 horas. O prazo de inscrición xa está aberto, soamente hai que entrar en www.48hourfilm.com e rexistrarse no evento da cidade. A cota de inscrición por equipo son 75€. As películas presentaranse ao público o venres 4 de abril no Ágora, onde o xurado seleccionará á mellor curtametraxe que entrará á lista dos mellores curtametraxes a nivel internacional, no evento anual do 48 Hour Filme Project 2014.
Pasa un fin de semana sen durmir realizando unha película (desde escribila, rodala, editala ata estreala) en só 48 horas. A organización do 48HFP propoñerá a todos os participantes un personaxe, un elemento a incluír no guión, unha liña de diálogo e un xénero por sorteo.
QUE É O 48 HOUR FILME PROJECT?
A misión do 48 Hour Filme Project é avanzar no cine, desenvolvendo novas propostas no panorama creativo e promovendo novos cineastas. A través do seu festival/ competición, o proxecto anima aos cineastas e aspirantes cineastas a facerse coñecer, tendo a posibilidade de rodar as súas propias películas.
O apertado prazo de 48 horas promove a creatividade e o traballo en equipo. Aínda que o prazo supón unha restricción inusual para os cineastas, tamén é liberador poñendo énfase no “facer” en vez do “falar”.