A Academia Galega do Audiovisual convoca a XVIII Edición dos Premios do Audiovisual Galego “Mestre Mateo” como recoñecemento ás obras galegas estreadas no ano 2019 e aos profesionais creativos e técnicos que traballaron nelas.
Todas as obras que desexen participar e optar aos Mestre Mateo deberán inscribirse online do 7 ao 25 de outubro de 2019, incluídas aquelas obras que teñan prevista a súa estrea entre o 26 de outubro e o 31 de decembro de 2019.
Aquí tedes á vosa disposición as bases desta nova edición. Recomendamos que as leades atentamente.
Para calquera dúbida ou aclaración podedes contactar coa nosa oficina no mail premios@academiagalegadoaudiovisual.gal ou chamando aos teléfonos 981 227 701 e 981 208 393, de luns a xoves de 9.00 horas a 17.00 horas en horario ininterrompido, e os venres de 9 a 15.00 horas.
Seguindo o establecido nas bases dos Premios Mestre Mateo, poñemos á vosa disposición a listaxe provisional con todas as obras e profesionais inscritos a esta nova edición dos Premios.
Desde o 7 de xaneiro e ata o vindeiro venres día 10, as socias e socios da Academia poderán presentar alegacións sobre as obras e profesionais inscritos en prazo e forma nesta esta nova edición dos Premios Mestre Mateo.
Unha vez recibidas as alegacións, a comisión de seguimento reunirase e revisará todas as candidaturas para, posteriormente, publicarar a listaxe definitiva.
Para calquera dúbida ou aclaración podes contactar coa nosa oficina no mail premios@academiagalegadoaudiovisual.gal ou no teléfono 981 227 701.