O 27 de xaneiro remata o prazo para realiza-las alegacións dos socios, ás candidaturas presentadas ós Premios Mestre Mateo 04, candidaturas que foron presentadas xa nos meses de novembro e decembro pasados. O día 12 de xaneiro abríuse o prazo de alegacións ás mesmas. Unha das innovacións que incorporan as Bases dos Premios Mestre Mateo 04 respecto das edicións pasadas, é que non só as empresas productoras poden presentar candidaturas ós Premios, senón que tamén poden presentalas os profesionais, as televisións, as escolas...

A Academia Galega do Audiovisual abríu hoxe mércores 24 de novembro o prazo de presentación das candidaturas para as 25 categorías recollidas nas Bases, para os Premios Mestre Mateo 04 que celebrará o vindeiro ano a súa Gala anual. Os traballos aspirantes ós Premios que antes da data de remate de presentación non estivesen aínda estreados, publicados nin emitidos, deberán acreditar que o serán antes do 31 de decembro próximo. O prazo máximo para presenta-los traballos será o 17 de decembro

Na última asemblea da Academia Galega do Audiovisual, celebrada o pasado 27 de marzo, a Xunta Directiva anunciou que se crearía unha comisión que propuxera unhas novas bases reguladoras dos Premios Mestre Mateo. Esta comisión traballará durante todo o mes de setembro para que en outubro as teñamos preparadas. Convidámos a todos os socios a participar na citada comisión, que estará integrada por dez profesionais representativos de cada unha das especialidades que figuran nos nosos estatutos (Produción, Dirección, Escritores Audiovisuais, Interpretación, Arte, Promoción, Fotografía, Música, Son e Posprodución). Quedamos á espera dos vosos correos, que confirmen a vosa dispoñibilidade. Anunciar que será un traballo duro pero necesario para os Premios Mestre Mateo 2004 e sucesivos. Recibide un saúdo.

Gran éxito da Gala de entrega dos Premios celebrados o sábado 26 Ó fin, soubémo-los gañadores dos Premios Mestre Mateo 03, no decurso da exitosa Gala celebrada o sábado 26 de xuño en Santiago, no Pazo de Congresos. Unha morea de profesionais déronse cita nesta Festa á que non faltaron os artistas, pero tampouco faltaron o amplo abano de profesións que integran o sector audiovisual, e outros, que representan a diversos sectores productivos da sociedade galega. Un éxito considerado máis que positivo, toda vez que a industria audiovisual vai sendo considerada como tal, e achega a el a moi diversos sectores sociais.

O Notario recibíu xa o 95 % dos votos dos socios da Academia A Xunta Directiva da Academia Galega do Audiovisual, ven de decidir xa ós profesionais que recibirán cada un dos tres premios especiais que outorga este organismo. Os premios son: o Premio Revelación “Chano Piñeiro” –ó profesional nóvel en calquera das categorías-, e que foi concedido ó director de fotografía Ricky Morgade; o Premio Especial “José Sellier” –á traxectoria empresarial e/ou institucional- que recaíu no Cine Club de Pontevedra, e o Premio de Honra “Fernando Rey”, á traxectoria profesional, que será recibido por Luís Álvarez Pousa.

Foi a noite do audiovisual, a noite do encontro de tódalas profesións que conforman e dan vida ó sector audiovisual. Actores e actrices, sonidistas, iluminotécnicos, maquilladores, decoradores, realizadores, directores, guionistas... todos, dende o rostro famoso que asoma pola pantalla ata os técnicos que fan posible que ese rostro forme parte dun conxunto de elementos que conforman o producto audiovisual, tiveron na noite do venres o seu día. Porque na “Festa dos Nominados” non houbo diferencias: todos eran protagonistas.

Será o vindeiro venres día 4 de xuño cando se dean cita no Cine Capitol de Santiago (rúa Concepción Arenal 5) os 85 artistas e técnicos e as 43 Productoras e medios de comunicación audiovisual nominados para os “Premios Mestre Mateo 03” que un ano máis organiza a Academia Galega do Audiovisual. Será na “Festa dos Nominados”.

Segundo establecen as Bases dos Premios Mestre Mateo 03, son cinco as categorías que elixe o Xurado nomeado pola Academia Galega do Audiovisual, e que preside Manolo Gómez en calidade de Presidente da propia AGA. Os finalistas, que serán elixidos xunto cos das restantes 20 categorías elixidas polos socios da Academia, darasen cita xunto ós membros desta, na Festa dos Nominados que terá lugar en Santiago o vindeiro 4 de xuño. Posteriormente, haberá que esperar á Gala dos Premios Mestre Mateo 03 para coñecer quen son os gañadores desta nova edición dos Premios.

A Academia distribuíu entre os seus socios o listado dos traballos e profesionais que se presentaron á nominación. Os votantes, escolleron catro deles en cada unha das categorías, exceptuando as de Mellor Documental, Mellor Producción Multimedia, Mellor Curtametraxe de Ficción e Mellor Curtametraxe de Animación, xa que neste caso, os catro nomeados destas catro categorías serán elixidas polo Xurado que nomea a propia Academia –composto por 5 membros máis o Presidente da mesma, Manolo Gómez- que visionan previamente os traballos presentados.

A Academia Galega do Audiovisual decidíu amplia-lo prazo de presentación de candidaturas ós Premios “Mestre Mateo 03” ata o día 5 de marzo próximo, inclusive. Esta decisión ven dada pola ampla resposta do sector audiovisual en Galicia, á hora de envia-los seus traballos, e de cara a outorgar un maior espacio de tempo para realiza-la tramitación que as Bases de Convocatoria requiren.