ALFONSO DEL AMO DEFENDE A NECESIDADE DE CREAR UNHA INDUSTRIA DA CONSERVACIÓN DO AUDIOVISUAL

O xefe da sección de investigación de fondos fílmicos da Filmoteca Española, Alfonso del Amo, afirmou hoxe no decurso da súa conferencia Plenaria celebrada a primeira hora da mañá no II Congreso Galego Audiovisual en Santiago, que o patrimonio audiovisual é o gran esquecido en España. Dixo que a industria do cine fai películas, e polo tanto, deberiamos pensar en conservalas, algo que non se apoia polo xeral e está xerando un serio problema.

INTENSA ACTIVIDADE TAMÉN MAÑÁ VENRES NO II CONGRESO GALEGO AUDIOVISUAL

Arredor de 40 profesionais participan mañá como relatores, moderadores de debates e nos encontros que terán lugar dentro do programa da segunda xornada do II Congreso Galego Audiovisual que se está celebrando en Santiago de Compostela. O programa de mañá ofrece tamén –coma hoxe- distintas actividades dentro das áreas temáticas que se abordan no congreso que se está celebrando no Pazo de Congresos e Exposicións de Santiago.

JOSÉ MANUEL LORENZO AFIRMOU QUE A CALIDADE DO CINE ESPAÑOL CONTRASTA CO POUCO INTERESE QUE SE LLE PRESTA

O productor galego José Manuel Lorenzo, presidente do Grupo Driver, fixo da súa intervención no II Congreso Galego Audiovisual, todo un acto reivincativo a prol do cine español, aducindo que a calidade do cine español contrasta co pouco interese que se lle presta no noso país. Afirmou tamén que as televisións non cumplen a normativa de difusión de películas nacionais, o que impide o éxito do cine español.

DIÑEIRO, COPRODUCCIÓN NATURAL E CREACIÓN DE ALIANZAS SON OS MOTIVOS QUE LEVAN Á COPRODUCCIÓN

A productora danesa Lisa Lense, reflexionou na súa intervención dentro da área de Contidos –unha das seis áreas temáticas en que se divide o II Congreso Galego Audiovisual- sobre a motivación que leva á producción de películas, e concretamente, á coproducción. Para Lise Lense, existen 3 motivos fundamentais que levan á coproducción: o diñeiro, a coproducción natural (determiñada pola necesidade que xurde dun proxecto), e crear alianzas estratéxicas a longo prazo. Neste punto, a productora danesa salientou que a supervivencia non é un xeito de vida, e que se só aspiramos a producir unha película, non chegaremos a nada.

PARA O CONSELLEIRO DE CULTURA, GALICIA ESTÁ DEIXANDO DE SER PERIFERIA INTEGRÁNDOSE NUN MUNDO MÁIS GLOBALIZADO

Esta mañá inaugurouse o II Congreso Galego Audiovisual, acto ó que acudíu o conselleiro de Cultura, Comunicación Social e Turismo, Jesús Pérez Varela, o Presidente da Academia Galega do Audiovisual, Manolo Gómez, a subdirectora do ICAA, Beatriz de Armas, o director xeral de Comunicación e Audiovisual, Ignacio Otero, e o concelleiro de Turismo de Santiago, Francisco Candela.

PARA STEPHEN FREARS, OS GUIONISTAS E ESCRITORES SON A CLAVE NA PRODUCCIÓN CINEMATOGRÁFICA

O director de cine Stephen Frears foi quen abríu a primeira xornada do II Congreso Galego Audiovisual que hoxe comezou no Pazo de Congresos e Exposicións de Santiago de Compostela. Frears foi presentado por Enrique Nicarnor, director de United Media e Director de Mastercam Ecam, quen salientou a sensibilidade do cine que dirixe Frears.

O MÉRCORES PRESÉNTASE NO HOSTAL DOS REIS CATÓLICOS O II CONGRESO GALEGO AUDIOVISUAL

O mércores día 15 de decembro, a partir das 20:00 horas da tarde, presentarase nun acto oficial o II Congreso Galego Audiovisual nun acto ó que asistirán os Conselleiros de Cultura, Comunicación Social e Turismo, Jesús Pérez Varela, e máis o de Innovación, Industria e Comercio, Juan Rodríguez Yuste. Os distintos Comités (Ejecutivo, Científico, Organizador...) do Congreso, estarán presentes no acto.

MÁIS DE 350 PERSOAS ASISTIRÁN Ó II CONGRESO GALEGO AUDIOVISUAL

A día de hoxe, máis de 350 persoas inscribíronse para asistir ó II Congreso Galego Audiovisual que se celebrará en Santiago os vindeiros 16, 17 e 18 de decembro. É de salienta-la masiva inscrición de estudantes dos distintos centros relacionados co sector: dende a Escola TIC de Lugo, a Escola de Imaxe e Son Marcote, a Facultade de Ciencias da Comunicación de Santiago ou o Máster de Creación Audiovisual, o EIS da Coruña ou a Escola Marcelo Macías, estudantes para os que o Congreso –no caso daqueles de fóra de Compostela- creou unha tarifa especial de 50 euros, que inclúe aloxamento, almorzos e xantares.

O II CONGRESO GALEGO AUDIOVISUAL ORGANIZA O TALLER DOCUSTELAE PARA ESTUDIANTES

A empresa Spica, delegada en Galicia das firmas Avid e Sony, patrocina o Taller Docustelae que se organiza no decurso do II Congreso Galego Audiovisual que se celebra en Compostela, organizado pola Academia Galega do Audiovisual, os días 16, 17 e 18 de decembro.

PETER OLAF PARTICIPA NO II CONGRESO GALEGO AUDIOVISUAL PARA FALAR DA TELEVISIÓN DIXITAL EN EUROPA E A IMPORTANCIA DA INTERACTIVIDADE

“A televisión dixital en Europa e a importancia da interactividade” é o tema que o asesor de medios interactivos da DR-Televisión e Radio Pública de Dinamarca, Peter Olaf Looms, desenvolverá nunha das Mesas que, sobre os Novos Media, se celebrará no decurso do II Congreso Galego Audiovisual.