O PRESIDENTE DA ACADEMIA GALEGA DO AUDIOVISUAL PRESENTOU HOXE A SÚA DIMISIÓN NO CARGO

Na xuntanza mantida esta tarde, prevista hai días, da Xunta Directiva da Academia Galega do Audiovisual, o seu Presidente Manolo Gómez, presentou a súa dimisión irrevocable. En cumprimento co establecido nos Estatutos que rexen a Academia Galega do Audiovisual, a Xunta Directiva acordou nomear como nova Presidenta á ata agora Vicepresidenta, a actriz María Bouzas.

A ACADEMIA GALEGA DO AUDIOVISUAL, CONTRA DO CRIME DOS LUMES

A Academia Galega do Audiovisual une a súa voz á de toda a cidadanía galega en defensa da terra, da natureza e da vida, e en contra do inconcibible crime que estamos a padecer. A nosa é unha voz de ánimo ós que están loitando por apagar o lume e de conforto ós que sufren as consecuencias máis directas e irreparables dos incendios.

UNHA CANDIDATURA UNITARIA PRESIDIDA DE NOVO POR MANOLO GÓMEZ, REXERÁ A ACADEMIA GALEGA DO AUDIOVISUAL OS PRÓXIMOS 3 ANOS

A nova Xunta Directiva que preside Manolo Gómez, está integrada poos vicepresidentes Pepe Coira e María Bouzas, sendo vocais Carlos Amil, Carlos Ares, Xaime Fandiño, Rubén García-Loureda, Nani García, Paco Lodeiro e Tania Rodríguez, uns compoñentes que representan á práctica totalidade dos sectores profesionais que integran o audiovisual galego.

RÉPLICA DE MARÍA BOUZAS Ó XORNAL GALICIA HOXE: POLO CINE DO PAÍS, POLO PÚBLICO E POLOS LECTORES

A estupefacción na que quedei sumida non se debeu á aparición de citacións da miña carta dirixida ós socios da Academia nun xornal. Tratábase dunha carta aberta e o seu contido polo tanto pode aparecer en calquera medio de comunicación (aínda que agradecería a cortesía de ser avisada). A estupefacción miña naceu da terxiversación, a descontextualización dos contidos aparecidos e a utilización tendenciosa destes para desprestixiar ó profesional incuestionable que é Manolo González.

REFLEXIÓNS DA SOCIA, MARÍA BOUZAS, EN TORNO AO BORRADOR-PROPOSTA DE BAREMO PARA UNHA PRODUCIÓN OU COPRODUCIÓN MAIORITARIA GALEGA

Estimados compañeiros, hai tempo que cuestións estrictamente persoais e pasaxeiras me manteñen alonxada de acontecementos, debates, estreas, premios, foros...;en torno ó audiovisual e ó teatro. Procuro, na medida do posible, manterme informada a través dos diferentes e afortunadamente diversos medios de comunicación. Creo que, por fin, chegamos a un momento crucial para a consolidación da nosa Industria Audiovisual e consecuentemente quixera facervos chegar, a todos, desde a miña máis absoluta sinceridade unhas reflexións acerca do borrador-proposta enviado por Manolo González.

ASÍ FOI O DEBATE SOBRE A DEFINICIÓN DUNHA PRODUCIÓN GALEGA, NO FORO ACADEMIA ABERTA

No foro da Academia aberta 2005 abriuse un espazo de debate baixo o título Definición dunha produción galega, cun relatorio no que atendemos a tres posibles referentes –os de Cataluña, Irlanda e Quebec-, e unha mesa redonda na que entraron a debate as perspectivas de profesionais procedentes de diversos ámbitos do audiovisual: produtores, guionistas, directores, actores e técnicos.

MAÑÁ XOVES 15 COMEZA O III FORO ACADEMIA ABERTA QUE BUSCARÁ DEFINIR UNHA PRODUCIÓN AUDIOVISUAL GALEGA

Mañá xoves 15 comeza en Santiago o III Foro Academia Aberta 2005 que organiza a Academia Galega do Audiovisual. Os elementos que definen unha produción galega, serán debatidos ó longo dos tres días de xornadas. O director e produtor de cine Enrique Nicanor, recollerá o vindeiro venres 16 de decembro a Medalla de Ouro que lle será entregada polo Presidente da Academia Galega do Audiovisual Manolo Gómez, segundo decicíu a Xunta Directiva da mesma.

O DIRECTOR E PRODUTOR DE CINE ENRIQUE NICANOR, RECOLLERÁ A MEDALLA DE OURO DA ACADEMIA GALEGA DO AUDIOVISUAL

O director e produtor de cine Enrique Nicanor, ourensán da comarca valdeorresa, recollerá o vindeiro venres 16 de decembro a Medalla de Ouro que lle será entregada polo Presidente da Academia Galega do Audiovisual Manolo Gómez, segundo decicíu a Xunta Directiva da mesma. Este galardón entrégase no marco da celebración do III Foro Academia Aberta que este ano terá como eixe central de debate a definición dos requisitos que debe ter unha produción audiovisual para considerala galega. A Academia Aberta 05 celebrarase os vindeiros días 15, 16 e 17 de decembro no Hotel AC Palacio del Carmen, en Santiago de Compostela.

O FORO ACADEMIA ABERTA 2005 ANALIZARÁ OS ELEMENTOS QUE DEFINEN Á PRODUCIÓN GALEGA, DO 15 Ó 17 DE DECEMEBRO

Qué requisitos debe ter unha produción audiovisual para considerala galega, é o eixe sobre o que xirará o III Foro Academia Aberta que organiza a Academia Galega do Audiovisual, para os días 15, 16 e 17 de decembro. O evento celebrarase no Hotel AC Palacio del Carmen en Santiago de Compostela. Este Foro arrincará coa celebración de dous Obradoiros, un dedicado á Fotografía e dirixido a directores de fotografía, iluminadores, operadores e axudantes de cámara, así como a foquistas; e un segundo Obradoiro sobre Arte, aberto a decoradores, directores de arte, atrecistas, rexedores, axudantes e deseñadores.

PROGRAMA DO FORO ACADEMIA ABERTA 2005 SOBRE DEFINICIÓN DUNHA PRODUCIÓN GALEGA

Programa do III Foro da Academia Aberta 2005, que se celebra os días 15, 16 e 17 de Decembro no Hotel AC Palacio del Carmen en Santiago de Compostela. Este ano leva por título: Definición dunha produción galega. Haberá dous Obradoiros: un de Fotografía e outro de Arte. Encontros, Conferencias e Mesas, ademais da cea de Gala dos Socios, coa entrega da Medalla de Ouro, forman parte deste programa que podedes descargar na ventá da dereita da páxina principal da web, en Academia Aberta.